اولا..كل سنة وانتم طيبيين بمناسبة شهر رمضان الكريم. ان شاء الله تغفر ذنوبنا كلها و ربنا يتقبل منا ان شاء الله
ثانيا..انا هتكلم عن فانوس رمضان او بالتحديد فوانيسي و يمكن بعضكم يتأكد اني طفلة جدا لمل يخلص القراءة. بس انا حاسة اني عايزة
اكتب عنه بجد
من يومين تقريبا .. "بابا جابلي فانوس" الجملة ديه صحابي سمعوها مني السنة اللي فاتت بس المرة ديه مختلفة
:D
الفانوس المرة ديه طوله لا يتعدي 12 سنتيمتر ( يعني اصغر من ايدي ) و عشان تولعه محتاج شمعة طولها لا يتعدي 2 سنتيمتر
( عشان اعرف امسكه و الفانوس ميسخنش بسرعة ).
لما كنت صغيرة كانت الفوانيس كلها المعدن ( زي بتاعي ده يعني ) بس جت فترة و اختفت فيها و بقيت الفوانيس بتغني و ترقص و حاجات ملهاش لزوم كده. لكن الحمد لله الفوانيس ام شمعة رجعت تاني (هي رجعت عشاني علي فكرة ) و ان شاء الله هتفضل لللابد
:D
اعتقد ان الفانوس ابو شمعة هو اكثر هدية ممكن تبسطني بجد ... عقدة العودة للطفولة بقي
:D
الصور اللي جايه دي لفانوسي الجديد و فانوس السنة اللي فاتت اصل تواصل الاجيال مطلوب برده
ده الفانوس الجديد لسه بيلمع ... جديد بقي :D
ده بقي فانوس السنة اللي فاتت ... هو طوله ضعف الفانوس الجديد تقريبا :D
و دول و هما معا بعض عشان يبان فرق الطووووول
و دول و هما منورين ... انا عجبني قوي انعكاس نورهم علي الارض :D
كفاية كده بقي لاحسن تقولوا عليا طفلة ..... :D :D :D :D
No comments:
Post a Comment